ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ເຊັນສັນຍາ    ສປປ ລາວ ກໍ່ຄື ກະຊວງສຶກສາທິການ ແລະ ກິລາ, ທະນາຄານພັດທະນາ​ເອ​ເຊຍ ແລະ ບໍລິສັດ ໄມໂຄຊ໋ອບອອຟຟິຊ ຮ່ວມມືກັນເປີດກວ້າງໂອກາດທາງເສດຖະກິດໃຫ້ແກ່ໄວໜຸ່ມ ເພື່ອ ພັດທະນາຖານເທັກໂນໂລຢີເຮັດໃຫ້ໄວໜຸ່ມໄດ້ເຂົ້າເຖິງແຫຼ່ງຂໍ້ມູນການອົບຮົມວິຊາຊີບ ແລະ ການບໍລິການຈັດຫາງານທາງອິນເຕີເນັດ

ໃນວັນທີ 21 ພະຈິກ ຜ່ານມາ ທີ່ສໍານັກກະຊວງສຶກສາທິການ ແລະ ກິລາ, ໄດ້ມີພິທີລົງນາມໜັງສືສະແດງເຈດຈໍານົງກ່ຽວກັບການນໍາໃຊ້ໄອຊີທີເຂົ້າໃນການພັດທະນາສີມືແຮງງານ ແລະ ການປະກອບອາຊີບຂອງຊາວໜຸ່ມ, ໂດຍການຮ່ວມລົງນາມຂອງທ່ານ ຮສ.ປອ ກອງສີ ແສງມະນີ ຮອງລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ນາງ ນໍ່ຮິໂກະ ຮອງຫົວໜ້າກົມ​ເອ​ເຊຍຕາເວັນອອກສ່ຽງໃຕ້ຂອງທະນາຄານພັດທະນາ​ເອ​ເຊຍ ແລະ ທ່ານ ເຈຟຣີເອວີນາ ຕາງໜ້າ ບໍລິສັດ ໄມໂຄຣຊ໋ອບອອຟຟິຊ, ມີບັນດາຫົວໜ້າຫ້ອງການ, ກົມ, ສູນ, ສະຖາບັນ ພ້ອມດ້ວຍພະແນກອ້ອມຂ້າງກະຊວງເຂົ້າຮ່ວມເປັນສັກຂີພິຍານ.

ການຮ່ວມມືຄັ້ງນີ້, ແມ່ນເພື່ອພັດທະນາຖານເທັກໂນໂລຢີ ເຮັດໃຫ້ໄວໜຸ່ມໄດ້ເຂົ້າເຖິງແຫຼ່ງຂໍ້ມູນການອົບຮົມວິຊາຊີບ ແລະ ການບໍລິການຈັດຫາງານທາງອິນເຕີເນັດ ໂດຍທະນາຄານພັດທະນາ​ເອ​ເຊຍພິຈາລະນາແລ້ວວ່າ ການສຶກສາຮຽນຮ່ວມ ແມ່ນສິ່ງຈໍາເປັນໃນການສ້າງຊັບພະຍາກອນມະນຸດຕາມທີ່ຕ້ອງການ ເພື່ອເປັນການຂັບເຂື່ອນນະວັດຕະກໍາ ໃໝ່, ເພີ່ມຜະລິດຕະຜົນ ແລະ ເລັ່ງການຂະຫຍາຍຕົວຂອງພາກເອກະຊົນ. ການນໍາເອົາຖານເທັກໂນໂລຢີອັນໃໝ່ເຂົ້າໃນໂຄງການຊ່ວຍເຫຼືອຂະແໜງການສຶກສາຂອງພວກເຮົາ ຈະຊ່ວຍເຮັດໃຫ້ເກີດຜົນປະໂຫຍດໃນໄລຍະຍາວເພີ່ມຂຶ້ນຕໍ່ກັບເສດຖະກິດຂອງ ສປປ ລາວ, ເຊິ່ງຖານເທັກໂນໂລຢີ ເອີ້ນວ່າ: Youth Work ຈະຊ່ວຍສະໜັບສະໜູນຄວາມພະຍາຍາມຂອງລັດຖະບານ ເພື່ອນໍາໃຊ້ຂໍ້ມູນຂ່າວສານ ແລະ ການສື່ສານ ເພື່ອສົ່ງເສີມການເຂົ້າເຖິງການສຶກສາ ແລະ ການບໍລິການ.

ຖານຂໍ້ມູນດັ່ງກ່າວ, ຈະສະໜອງຂໍ້ມູນຄວາມຮູ້ແລະ ບົດຮຽນວິຊາການຕ່າງໆທີ່ແທດເໝາະກັບຕົວຈິງຂອງປະເທດລາວ ພ້ອມທັງການໃຫ້ຄໍາແນະນໍາດ້ານວິຊາຊີບ ແລະ ການບໍລິການບັນຈຸຕໍາແໜ່ງທີ່ຫວ່າງ ໂດຍບໍ່ເສຍຄ່າໃຊ້ຈ່າຍ. Youth Work ຈະຊ່ວຍໃຫ້ຜູ້ທີ່ຊອກຫາວຽກເຮັດງານທໍາ ແລະ ຫົວໜ່ວຍທຸລະກິດຕ່າງໆໄດ້ພັດທະນາສີມື ແລະ ຄວາມຮູ້ທີ່ຕ້ອງການ ເພື່ອໃຫ້ໄດ້ວຽກທີ່ເໝາະສົມ.

ການຮ່ວມມືດັ່ງກ່າວ, ແມ່ນດໍາເນີນຕິດພັນກັບໂຄງການສ້າງຄວາມເຂັ້ມແຂງໃຫ້ແກ່ ວຽກງານອາຊີວະສຶກສາ ແລະ ອົບຮົມວິຊາຊີບທີ່ທະນາຄານພັດທະນາ​ເອ​ເຊຍໃຫ້ການສະໜັບສະໜູນ. ຖານເທັກໂນໂລຢີດັ່ງກ່າວ, ຈະຊ່ວຍຊຸກຍູ້ເພີ່ມເຕີມໃຫ້ແກ່ຄວາມພະຍາຍາມ ເພື່ອເພີ່ມຊ່ອງທາງໃຫ້ເຂົ້າເຖິງໂຄງການສຶກສາ ແລະ ອົບຮົມວິຊາຊີບທີ່ມີຄຸນະພາບ ພ້ອມທັງການບໍລິການ ແນະນໍາກ່ຽວກັບວິຊາຊີບ.

(ສາວສະຫວັນ)

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png