ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

Tkສະໂມສອນລາວລ້ານຊ້າງ ຫຶດແຊງ ສະໂມສອນຕະວັນ ໃນໂຄ້ງສຸດທ້າຍແບບພິກຄວາມຄາດໝາຍ 21 ຕໍ່ 20 ຫຼຽນຄຳ ຄວ້າຂັນຊະນະເລີດເທຄວັນໂດຊີງຂັນເອກອັກຄະລັດຖະທູດ ສ ເກົາຫຼີ ຄັ້ງທີ 4 ປະຈຳປີ 2018

ການແຂ່ງຂັນກິລາເທຄວັນໂດທົ່ວປະເທດ ຊິງຂັນທ່ານເອກອັກຄະລັດຖະທູດສາທາລະນະລັດເກົາຫຼີ ຫຼື ສ ເກົາຫຼີ ປະຈຳລາວ ຄັ້ງທີ 4 ລະຫວ່າງວັນທີ 10-11 ພະຈິກ 2018 ທີ່ສະໂມສອນກິລາໃນຮົ່ມໂອແລມປາເຊຍ ວິທະຍາເຂດດົງໂດກ ນະຄອນຫຼວງວຽງຈັນ. ແຂ່ງຂັນ 2 ປະເພດ ຄື ປະເພດຟ້ອນ ຫຼື ປຸ່ມເຊ ແລະ ປະເພດຕໍ່ສູ້ປ້ອງກັນຕົວ ໃນຮຸ່ນເຍົາວະຊົນ ແລະ ຮຸ່ນທົ່ວໄປ ເຊິ່ງມີສະໂມສອນພາຍໃນນະຄອນຫຼວງວຽງຈັນ ແລະ ຕ່າງແຂວງເຂົ້າຮ່ວມ 25 ພາກສ່ວນ.

ເຊິ່ງໄຮໄລ້ຂອງການແຂ່ງຂັນແມ່ນຢູ່ໃນຄູ່ສຸດທ້າຍປະເພດທີມຍິງ 3 ຄົນ ຮອບຊີງຫຼຽນຄຳ ລະຫວ່າງສະໂມສອນລາວລ້ານຊ້າງ ພົບກັບ ສະໂມສອນຕະວັນ ເຊິ່ງທັງ 2 ສະໂມສອນ ຕ່າງກໍ່ຄວ້າມາໄດ້ແລ້ວ 20 ຫຼຽນຄຳເທົ່າກັນ ຜ່ານການແຂ່ງຂັນດ້ວຍບັນຍາກາດທີ່ຄຶກຄັກ ຜົນປາກົດວ່າ ທີມເທຄວັນໂດສາວສະໂມສອນລາວລ້ານຊ້າງ ສາມາດເອົາຊະນະ ທີມສາວສະໂມສອນຕະວັນ ໄປໄດ້ຫວຸດຫວິດ 41 ຕໍ່ 39 ຄະແນນ ສົ່ງຜົນໃຫ້ ສະໂມສອນລາວລ້ານຊ້າງ ຄວ້າຫຼຽນຄຳທີ 21 ແຊງສະໂມສອນຕະວັນ ຄວ້າຂັນຊະນະເລີດຄະແນນລວມໄປຄອງແບບພິກຄວາມຄາດໝາຍ.

ໃຫ້ກຽດມອບຫຼຽນ ແລະ ຂັນລາງວັນມີທ່ານ ຊິນ ຊັງຊຸນ ເອກອັກຄະລັດຖະທູດ ສ ເກົາຫຼີປະຈຳລາວ, ທ່ານ ປອ ອາດສະພັງທອງ ສີພັນດອນ ປະທານສະຫະພັນກິລາເທຄັນໂດແຫ່ງຊາດລາວ ແລະ ທ່ານຮອງປະທານສະຫະພັນເທຄວັນໂດແຫ່ງຊາດລາວ.

ສະຫຼຸບຜົນການແຂ່ງຂັນກິລາເທຄວັນໂດທົ່ວປະເທດ ຊີງຂັນທ່ານເອກອັກຄະລັດຖະທູດ ສາທາລະນະລັດ ເກົາຫຼີຄັ້ງທີ 4 ປະຈຳປີ 2018 ອັນດັບ 1 ສະໂມສອນລາວລ້ານຊ້າງ ຄວ້າມາໄດ້ 21 ຫຼຽນຄຳ 4 ຫຼຽນເງິນ ແລະ 10 ຫຼຽນທອງ, ອັນດັບ 2 ສະໂມສອນຕະວັນ 20 ຫຼຽນຄຳ 11 ຫຼຽນເງິນ ແລະ 12 ຫຼຽນທອງ ອັນດັບ 3 ສະໂມສອນ ມາສເຕີເລ້ 14 ຫຼຽນຄຳ 5 ຫຼຽນເງິນ ແລະ 6 ຫຼຽນທອງ ອັນດັບ 4 ສະໂມສອນເສືອນ້ອຍ 9 ຫຼຽນຄຳຄຳ 7 ຫຼຽນເງິນ ແລະ 13 ຫຼຽນທອງ ແລະ ອັນດັບ 5 ໂຮງຮຽນພອນສະຫວັນກິລາ-ກາຍະກຳ 4 ຫຼຽນຄຳ 1 ຫຼຽນເງິນ ແລະ 2 ຫຼຽນທອງ ນອກນັ້ນຍັງມີລາງວັນນັກກິລາດີເດັ່ນແຕ່ລະຮຸ່ນ, ຄູເຝິກ ແລະ ກຳມະການຕັດສິນຕື່ມອີກ. (ປ່ອຍພາບມອບຫຼຽນ)

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png