ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ທ່ານບົວລານ    ລັດຖະບານ​ແຫ່ງ​ ສປປ ລາວ ປະກາດຂໍ້​ຕົກລົງວ່າ​ດ້ວຍ​ການ​ແຕ່ງ​ຕັ້ງ​ຄະນະ​ຮັບຜິດຊອບ​ລະ ດັບ​ຊາດ ​ແລະ ກຳມະການ​ຝ່າຍ​ຕ່າງໆ ​ລວມທັງ​ໝົດ 143 ທ່ານ ເພື່ອ​ກຽມ​ຄວາມພ້ອມຮັບໃຊ້ໃນການຈັດ​ງານ​ມະຫາ​ກຳ​ກິລາ​ແຫ່ງ​ຊາດ ຄັ້ງ​ທີ 11 ທີ່​ແຂວງ​ຊຽງ​ຂວາງ ​ເປັນ​ເຈົ້າພາບ ​ໃນປີ 2018ຫຼື “ຊຽງ​ຂວາງ ​ເກ​ມ 2018”.

      ​ເມື່ອ​ວັນ​ທີ 1 ທັນວາ ຜ່ານ​ມາ ທີ່​ຫ້ອງ​ປະຊຸມ​ສຳນັກງານ​ກະຊວງ​ສຶກສາ​ທິການ ​ແລະ ກິລາ (ຕຶກ​ເຈົ້າອານຸວົງ), ​ໄດ້​ມີ​ກອງ​ປະຊຸມ​ລະດັບ​ຊາດ ​ເພື່ອ​ຜ່ານ​ຂໍ້​ຕົກລົງ​ວ່າ​ດ້ວຍ​ການ​ແຕ່ງ​ຕັ້ງຄະນະ​ຮັບຜິດຊອບ​ລະດັບ​ຊາດ ​ແລະ ຄະນະກຳມະການ​ຝ່າຍໆຕ່າງໆ ​ເພື່ອ​ກຽມ​ຄວາມ​ພ້ອມຮັບໃຊ້ໃນ​ຈັດ​ງານ ຊຽງ​ຂວາງ ​ເກ​ມ 2018, ​ໂດຍ​ພາຍ​ໃຕ້​ການ​ເປັນ​ປະທານ​ຂອງ ທ່ານ ບົວ​ລານ ສິລິ​ປັນຍາ ຮອງລັດຖະມົນຕີ​ກະຊວງ​ສຶກສາ​ທິການ​ ​ແລະ​ ກິລາ, ມີ​ບັນດາ​ຫົວໜ້າ​-ຮ​ອງຫົວໜ້າຫ້ອງການ, ກົມກອງຈາກ​ກະຊວງ​ຕ່າງໆ ​ແລະ ບັນດາພະນັກງານ​ທີ່​ກ່ຽວຂ້ອງ​ເຂົ້າ​ຮ່ວມ.

       ສຳລັບ​ການ​ຜ່ານ​ຂໍ້​ຕົກລົງ​ວ່າ​ດ້ວຍ​ການ​ແຕ່ງ​ຕັ້ງຄະນະ​ຮັບຜິດຊອບ​ລະດັບ​ຊາດມີ​ທັງ​ໝົດ 15 ທ່ານ, ​ໃນ​ນັ້ນ​ໄດ້​​ແຕ່ງ​ຕັ້ງ ທ່ານ ສຈ.ປອ ສົມ​ກົດ ມັງ​ໜໍ່​ເມກ ​ເຈົ້າ​ແຂວງ​ຊຽງ​ຂວາງ ​ແລະ ທ່ານ​ ນາງ ​ແສງ​ເດືອນ ຫຼ້າ​ຈັນທະ​ບູນ ລັດຖະມົນຕີ​ກະຊວງ​ສຶກສາທິການ ແລະ ກິລາ ​ເປັນ​ປະທານ​ຮ່ວມ, ທ່ານ ບົວ​ສອນ ສີນ​ວນທອງ ຮອງ​ເຈົ້າ​ແຂວງ​ຊຽງ​ຂວາງ ​ແລະ ທ່ານ ບົວ​ລານ ​ສິລິ​ປັນຍາ ​ເປັນ​ຮອງ​ປະທານ ​ແລະ ​ອີກ 11 ທ່ານ ​ເປັນ​ຄະນະກຳມະການ.ສ່ວນກຳມະການຈັດ​ງານ​ມະຫາ​ກຳ​ກິລາ​ແຫ່ງ​ຊາດ ມີ​ທັງ​ໝົດ 11 ຄະນະ​ກຳມະການ ປະກອບ​ມີ ຄະນະ​ກຳມະການກອງ​ເລຂາ 15 ທ່ານ, ກຳມະການ​ເຕັກນິກ-​ຈັດການ​ແຂ່ງຂັນ 15 ທ່ານ, ກຳມະການ​ພິທີການ ​ແລະ ຕ້ອນຮັບ​ແຂກ 12 ທ່ານ, ກຳມະການ​ພິທີ​ເປີດ-ປິດ 12 ທ່ານ, ກຳມະການ​ໂຄສະນາ​ຂ່າວສານ 9 ທ່ານ, ກຳມະການ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບ 12 ທ່ານ, ກຳມະການ​ເສດຖະກິດ ​ແລະ ລະດົມ​ທຶນ 15 ທ່ານ, ກຳມະການ​ຝ່າຍ​ຂົນ​ສົ່ງ 10 ທ່ານ, ກຳມະການ​ສະຖານ​ທີ່​ພັກ ​ແລະ ອາຫານ 14 ທ່ານ, ກຳມະການ​ການ​ແພດ ​ແລະ ສຸຂະພາບ 8 ທ່ານ ​ແລະ ກຳມະການ​ກິດຈະກຳ​ກິລາ ​ແລະ ​ເຍົາວະ​ຊົນ 6 ທ່ານ.

       ໂອກາດນີ້, ທ່ານ ບົວລານ ສິລິປັນຍາ ໄດ້ເນັ້ນໜັກໃຫ້ມີການແບ່ງປັນວຽກກັນຢ່າງລະອຽດ ແລະ ຈະແຈ້ງ ເພື່ອບໍ່ໃຫ້ການປະຕິບັດວຽກງານຂອງແຕ່ລະຄົນຊ້ຳກັນ ເປັນຕົ້ນແມ່ນໃຜຈະເຮັດວຽກເຕັກນິກຈັດການແຂ່ງຂັນ  ກໍ່ແມ່ນໃຫ້ປະຈໍາຢູ່ວຽກເຕັກນິກ, ຖ້າຈະຢູ່ຂະແໜງບໍລິຫານ ກໍ່ໃຫ້ເຮັດວຽກກ່ຽວກັບພິທີການ ເພາະຖ້າກໍານົດບໍ່ແຈ້ງ ກໍ່ຈະເຮັດໃຫ້ການປະຕິບັດນະໂຍບາຍສັບສົນ ບາງເທື່ອຜູ້ 1 ມີຫຼາຍໜ້າວຽກ, ເຊິ່ງມັນຈະກໍ່ໃຫ້ເກີດບັນຫາມາຕາມພາຍຫຼັງ. ສະນັ້ນ, ຈຶ່ງຢາກໃຫ້ມີການປະຊຸມປຶກສາຫາລື ແຕ່ງຕັ້ງໜ້າທີ່ການຮັບຜິດຊອບໃຫ້ລະອຽດ ແລະ ມີແບບແຜນຈະແຈ້ງ ບໍ່ວ່າຈະເປັນແຜນການເຄື່ອນ ໄຫວ, ແຜນວຽກ, ແຜນຄົນ ແລະ ແຜນງົບປະມານຮັບໃຊ້ວຽກງານຂອງຕົນ ທັງນີ້ກໍ່ເພື່ອແນໃສ່ເຮັດໃຫ້ການຈັດງານມະຫາກຳກິລາແຫ່ງຊາດຄັ້ງນີ້ ປະສົບຜົນສຳເລັດຕາມລະດັບຄາດໝາຍທີ່ວາງໄວ້ທຸກປະການ.

 

ໂດຍ:ອ້ວນດຳ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png