ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ລມຕ ຮັບແຂກ     ປະເທດຟີລິບປິນ ​ໄດ້ໃຫ້ຄວາມສົນໃຈໃນການລົງທຶນຢູ່ ສປປ ລາວ ໃນຂະແໜງການສຶກສາ ແລະ ສາທາລະນະສຸກ ເປັນຕົ້ນແມ່ນສ້າງຕັ້ງວິທະຍາໄລວິຊາຊີບ, ສ້າງຕັ້ງໂຮງໝໍປິ່ນປົວສຸຂະພາບຂະໜາດນ້ອຍ ແລະ ສຶກສາຄວາມເປັນໄປໄດ້ໃນການຮ່ວມມືດ້ານການຄ້າ ແລະ ການລົງທຶນຂອງ 2 ປະເທດ.

ໃນວັນທີ5 ທັນວາຜ່ານມາທີ່ກະຊວງສຶກສາທິການແລະກິລາ, ທ່ານນາງແສງເດືອນຫຼ້າຈັນທະບູນລັດຖະມົນຕີກະຊວງສຶກສາທິການແລະກິລາໄດ້ໃຫ້ກຽດຕ້ອນຮັບການເຂົ້າຢ້ຽມຄໍານັບຂອງທ່ານ ປອ. ວິລຽມ ເອສ ຄະນະບໍລິຫານ ສະພາ​ການ​ຄ້າ ແລະ ອຸດສາຫະກໍາຟີລິບປິນ, ກົງສູນກິດຕິມະສັກຂອງປະເທດນາມິບີ ປະຈໍາ ຟີລິບປິນ, ທັງເປັນປະທານ ICCT Colleges Foundation Inc ພ້ອມຄະນະ, ໂດຍມີບັນດາຫົວໜ້າ-ຮອງຫົວໜ້າຫ້ອງການ, ກົມແລະພະນັກງານທີ່ກ່ຽວຂ້ອງພາຍໃນກະຊວງເຂົ້າຮ່ວມ.

ໃນການເຂົ້າພົບປະໃນຄັ້ງນີ້, ແມ່ນເພື່ອປຶກສາຫາລືກ່ຽວກັບຄວາມຕ້ອງການຢາກມາລົງທຶນໃນ ສປປ ລາວ ໂດຍສະເພາະແມ່ນໃນຂະແໜງການສຶກສາ ແລະ ສາທາລະນະສຸກຄື: ສ້າງຕັ້ງວິທະຍາໄລວິຊາຊີບ (ໃນຂະແໜງການບໍລິຫານໂຮງແຮມ, ພະຍາບານ, ໄອທີ ແລະ ອື່ນໆ), ສ້າງຕັ້ງໂຮງໝໍປິ່ນປົວສຸຂະພາບຂະໜາດນ້ອຍ ແລະ ສຶກສາຄວາມເປັນໄປໄດ້ໃນການຮ່ວມມືດ້ານການຄ້າ ແລະ ການລົງທຶນຂອງ 2 ປະເທດ ພາຍຫຼັງທີ່ປະທານາທິບໍດີຟີລິບປິນໄດ້ມີການປຶກສາຫາລືກັບປະທານປະເທດແຫ່ງ ສປປ ລາວ ໃນໂອກາດເຂົ້າຮ່ວມກອງປະຊຸມສຸດຍອດອາຊຽນ ຜ່ານມາ ແນໃສ່ເພື່ອສົ່ງເສີມການຄ້າ ກໍ່ຄື ການລົງທຶນລະຫວ່າງ 2 ປະເທດ. ນອກຈາກນີ້, ຄະນະດັ່ງກ່າວ ຍັງມີແຜນຈະໄປຢ້ຽມຢາມກະຊວງສາທາລະນະສຸກ, ກະຊວງແຜນການ ແລະ ການລົງທຶນ ແລະ ກະຊວງອຸດສາຫະກໍາແລະການຄ້າ ເພື່ອສຶກສາຄວາມອາດສາມາດ ທີ່ຈະລົງທຶນ ຫຼື ຊ່ວຍເຫຼືອດ້ານການພັດທະນາສີມືແຮງງານໃນ ສປປ ລາວ.

ໂອກາດດຽວກັນ, ທ່ານ ນາງ ແສງເດືອນ ຫຼ້າຈັນທະບູນ ໄດ້ອະທິບາຍກ່ຽວກັບການປະຕິຮູບການສຶກສາໃນໄລຍະ 1 ແລະ ໄລຍະ 2 ໂດຍສະເພາະແມ່ນໄດ້ລົງເລິກວຽກງານອາຊີວະສຶກສາ, ໄດ້ຊີ້ແຈງກ່ຽວກັບຄວາມຕ້ອງການຂອງລາວ ​ໂດຍ​ສະ​ເພາະວຽກງານການພັດທະນາ ຫຼື ວຽກງານສິດສອນຕ່າງໆຢູ່ສະຖາບັນອາຊີວະສຶກສາ ແລະ ຍັງໄດ້ອະທິບາຍກ່ຽວກັບຄວາມຕ້ອງການໃນຂົງເຂດອາຊີບ ທີ່ຍັງບໍ່ທັນໄດ້ມີການພັດທະນາກ້າວໜ້າເທົ່າທີ່ຄວນ ແລະ ຖ້າມີເງື່ອນໄຂ ກໍ່ຕ້ອງການໃຫ້ຟີລິບປິນເຂົ້າມາຊ່ວຍໃນການສ້າງສູນພັດທະນາ, ເຝິກອົບຮົມໃຫ້ແຮງງານຂອງລາວ, ​ເຊິ່ງຈະເປັນການດີຂຶ້ນຕື່ມ. 

ລມຕ ຮັບແຂກ1\

 

(ສາວສະຫວັນ)

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png