ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ກົມກິລາ      ກົມກິລາລະດັບສູງ ກະຊວງສຶກສາທິການແລະກິລາ (ສສກ) ​ໄດ້ຈັດກອງປະຊຸມປຶກສາຫາລືເພື່ອກະກຽມຄວາມພ້ອມດ້ານຕ່າງໆ ໃນການສົ່ງຄະນະນຳ, ຄູເຝິກ ແລະ ນັກກິລາ ເຂົ້າຮ່ວມງານມະຫາກຳກິລາ ຊີເກຄັ້ງທີ 29 ທີ່ປະເທດມາເລເຊຍ ​ເປັນ​ເຈົ້າພາບ ໃນທ້າຍປີ 2017.

ກອງປະຊຸມປຶກສາຫາລືດັ່ງກ່າວ, ​ໄດ້ຈັດຂຶ້ນເມື່ອຕອນເຊົ້າຂອງວັນທີ 8 ທັນວາຜ່ານມາທີ່ ສຳນັກງານ ກະຊວງສຶກສາທິການແລະກິລາ (​ເຂດສະໜາມກິລາເຈົ້າອານຸວົ),ໂດຍພາຍໃຕ້ການເປັນປະທານຂອງ ທ່ານແສງພອນ ພົນອາມາດ ຫົວໜ້າກົມກິລາລະດັບສູງກະຊວງສຶກສາທິການແລະກິລາ, ມີຜູ້ຕາງໜ້າຈາກສະຫະພັນກິລາ ປະເພດຕ່າງໆເຂົ້າຮ່ວມ .

ໃນໂອກາດນີ້, ທ່ານແສງພອນພົນອາມາດ ​​ກ່າວ​​ວ່າ: ງານແຂ່ງຂັນກິລາຊີເກແມ່ນງານມະຫາກຳກິລາຂອງປະຊາຄົມເອເຊຍຕາເວັນອອກສຽງໃຕ້ ຫຼື ອາຊຽນ ເຊິ່ງມີທັງໝົດ 11 ປະເທດແລະແຕ່ລະປະເທດຕ້ອງໄດ້ເຂົ້າຮ່ວມການແຂ່ງຂັນກັນຢ່າງພ້ອມພຽງເພື່ອເປັນການພົບປະແລກປ່ຽນ, ຖອດຖອນບົດຮຽນແລະສ້າງຜົນງານຮ່ວມກັນ. ສຳລັບງານມະຫາກຳກິລາຊີເກຄັ້ງທີ 29 ທີ່ປະເທດມາເລເຊຍ ເປັນເຈົ້າພາບໃນທ້າຍປີ 2017 ໂດຍທາງປະເທດເຈົ້າພາບ ແມ່ນໄດ້ບັນຈຸ​​ເອົາ 38 ປະເພດກິລາເຂົ້າຮ່ວມແຂ່ງຂັນ. ສະນັ້ນ, ເພື່ອເຮັດໜ້າທີ່ການເມືອງໃນການເພີ່ມທະວີຄວາມສາມັກຄີປອງດອງ ແລະ ເພີ່ມທະວີບການພົວພັນຮ່ວມມືລະຫວ່າງປະເທດຕ່າງໆໃນອາຊຽນ ໃຫ້ນັບມື້ໜັກແໜ້ນຍິ່ງຂຶ້ນ, ເພື່ອພັດທະນາກິລາ-ກາຍະກຳ ໃຫ້ໄປຕາມແຜນຍຸດທະສາດ, ທິດຊີ້ນຳຂອງຂັ້ນເທິງ ແລະ ເຂົ້າຮ່ວມເພື່ອສ້າງກຽດຊື່ສຽງໃຫ້ກັບປະເທດຊາດ, ກົມກິລາລະດັບສູງ ກະຊວງ ສສກ ຮ່ວມກັບ ຄະນະກຳມະການໂອແລມປິກແຫ່ງຊາດລາວ ແລະ ບັນດາສະຫະພັນກິລາປະເພດຕ່າງໆ ຈຶ່ງໄດ້ຈັດກອງປະຊຸມດ້ານວິຊາການ ເພື່ອຄົ້ນຄວ້າ ແລະ ປຶກສາຫາລື ເຫັນດີເປັນເອກະພາບ ສົ່ງກິລາເຂົ້າຮ່ວມຊີງໄຊທັງໝົດ 21 ປະເພດຄື:ເປຕັງ, ມວຍ, ​ເທຄວັນໂດ, ວູຊູ, ກະຕໍ້-​ຊິນລອນ, ປັນຈັກສີລັດ,       ບິລຽດ-ສະນຸກເກີ້, ລົດຖີບ, ຍິງທະນູ, ມວຍສາກົນ, ກາຣາເຕໂດ, ຢູໂດ, ເຕະບານ​, ກ໊ອຟ, ຍິງປືນ, ປິ່ງປ່ອງ, ດອກປີໄກ່, ​ເທັນນິສ, ​ແລ່ນ-​ລານ, ລອຍນ້ຳແລະຣັກບີ້. ເຊິ່ງມີຈຳນວນພົນຂົ້າຮ່ວມທັງໝົດທັງຄະນະນຳ, ຄູເຝິກແລະນັກກິລາ  ປະມານ 296 ຄົນ.

ສຳລັບງານມະຫາກຳກິລາຊີເກຄັ້ງທີ 29 ປີ 2017 ທີ່ປະເທດມາເລເຊຍເປັນເຈົ້າພາບແມ່ນຈະທຳການແຂ່ງຂັນລະຫວ່າງ ວັນທີ 19-31 ສິງຫາ 2017.

ຢ່າງໃດກໍ່ຕາມ, ໃນງານກິລາຊີເກມ ຄັ້ງທີ 28 ທີ່ປະເທດສິງກະໂປ ເປັນເຈົ້າພາບ ໃນປີ 2015 ຜ່ານມາ, ສປປ ລາວ ສົ່ງຄະນະນຳ, ຄູເຝິກ ແລະ ນັກກິລາເຂົ້າຮ່ວມ ຈຳນວນ 318 ຄົນ (ຄູເຝິກ 97 ຄົນ ແລະ ນັກກິລາ 183 ຄົນ) ໃນ 20 ປະເພດກິລາຄື: ເປຕັງ, ​ເທຄວັນໂດ, ວູຊູ, ຢູໂດ, ກະຕໍ້, ບິນລຽດ-ສະນຸກເກີ້, ລົດຖີບ, ຍິງທະນູ, ມວຍສາກົນ, ປັນຈັກສີລັດ, ​ແລ່ນ-ລານ, ລອຍນ້ຳ, ​ເຕະບານ, ດອກປີກໄກ່, ​ເທັນນິສ, ຍິງປືນ, ປິ່ງປ່ອງ, ກ໊ອຟ, ຣັກບີ້ແລະ ຟັນດາບ ໂດຍສາມາດຍາດມາໄດ້ພຽງແຕ່ 4 ຫຼຽນເງິນ ແລະ 25 ຫຼຽນທອງ ລວມ 29 ຫຼຽນ ຈັດຢູ່ອັນດັບທີ 9 ຂອງຕາຕະລາງ.

 

ຂ່າວໂດຍ: ສາວແກ້ວອຸດົມ.

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png