ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ຄອລລລລ      ຄະນະ​ນຳ, ພະນັກງານ, ຄູ-ອາຈານ ​ແລະ ນັກຮຽນ-ນັກ​ສຶກສາ ​ໃນ​ຂະ​ແໜງ​ການ​ສຶກສາ-ກິລາ ກໍ່​ຄື ພາຍ​ໃນ​ກະຊວງ​ສຶກສາ​ທິການ ​ແລະ ກິລາ (ສສກ) ຈຳນວນ 4 ພັນ​ຄົນ ​ໄດ້​ເຂົ້າຮ່ວມກິດ​ຈະ​ກຳ​ ຂີ່​ລົດຖີບ 40 ນາທີ, ​ເຕັ້ນ​ແອ​ໂຣບິ​ກ ​ແລະ ຊົມ​ການສະ​ແດງ​​ເຕັ້ນໂຊ ​ເຊຍຣີ​ເດີ ​ເພື່ອ​ສ້າງ​ຂະ​ບວນການສະ​ເຫຼີມສະຫຼອງ​ວັນ​ສ້າງ​ຕັ້ງ​ໂອ​ແລມປິກ​ແຫ່ງ​ຊາດ​ລາວ (ຄອລ) ຄົບຮອບ 38 ປີ ຢ່າງ​​ເບີກບານ ​ແລະ ມ່ວນ​ຊື່ນ ໃນ​ຕອນ​ເຊົ້າ​ວັນ​ເສົາ ທີ 24 ທັນວາ ຜ່ານ​ມາ ທີ່​ສະໜາມກິລາ​​​ເຕະບານ​ເຈົ້າ​ອານຸວົງ ​ເມືອງ​ຈັນທະ​ບູລີ ນະຄອນຫຼວງ​ວຽງ​ຈັນ, ​ໂດຍ​ພາຍ​ໃຕ້​ການ​ນຳພາຂອງທ່ານ ບົວ​ລານ ສິລິ​ປັນຍາ ຮອງ​ລັດຖະມົນຕີ ​ກະຊວງ​ສຶກສາ​ທິການ ​ແລະ ກິລາ, ທັງ​ເປັນ​ຮອງ​ປະທານ ຄອລ, ​​ເປັນກຽດ​ເຂົ້າ​ຮ່ວມ​ຂອງທ່ານ ປອ. ພູ​ທອງ ​ແສງ​ອາຄົມ ອະດີດ​ລັດຖະມົນຕີ​ປະຈຳ​ສຳນັກງານ​ນາຍົກລັດຖະມົນຕີ, ອະດີດປະທານ​ຄະນະ​ກຳມະການ​ກິລາ​-ກາ​ຍະ​ກຳ​ແຫ່ງ​ຊາດ ​ແລະ ອະດີດປະທານ​ຄອລ ພ້ອມ​ດ້ວຍບັນດາ​ຄະນະບໍລິຫານ​ງານ ຄອລ ທັງ​ຊຸດ​ເກົ່າ ​ແລະ ຊຸດ​ໃໝ່.

​ໂອກາດ​ນີ້, ທ່ານ ສົມ​ພູ ພົງສາ ຜູ້​ຊ່ວຍ​ລັດຖະມົນຕີ ກະຊວງ​ ສສກ, ຮອງ​ປະທານ ​ແລະ ​ເລຂາທິການ ຄອລ ​ໄດ້ກ່າວ​ລາຍ​ງານ​ປະຫວັດ​ຄວາມ​ເປັນ​ມາ ​ແລະ ການ​ເຄື່ອນ​ໄຫວ​ຫຍໍ້​ຂອງ ຄອລ ​ໃຫ້​ຮູ້​ວ່າ: ຄອລ ​ເປັນ​ອົງການ​ຈັດ​ຕັ້ງ​ກິລາ​ທາງ​ສັງຄົມ​ທີ່​ເປັນ​ຕົວ​ແທນ​ໃຫ້​ແກ່​ການ​ກິລາ​ລາວ ​ເພື່ອ​ເຄື່ອນ​ໄຫວ​ຮ່ວມ​ມື​ກັບ​ການຈັດ​ຕັ້ງ​ກິລາ​ໂອ​ແລມປິກ​ສາກົນ, ສະມາຄົມ​ໂອ​ແລມປິກ​ແຫ່ງ​ຊາດ, ​ໂອ​ແລມປິກ​ເອ​ເຊຍ ​ແລະ ​ໂອ​ແລມປິກ​ຂອງ​ປະ​ເທດ​​ເອ​ເຊຍຕາ​ເວັນ​ອອກສຽງ​ໃຕ້ ຫຼື ​ເອີ້ນ​ວ່າ ສະຫະພັນ​ຊີ​ເກ​ມ. ສຳລັບ ຄອລ ​ໄດ້​ຖືກ​ສ້າງ​ຕັ້ງ​ມາ​​ແຕ່​ວັນ​ທີ 25 ທັນວາ 1978 ​ເພື່ອ​ຮັບຮອງ​ໃຫ້​ແກ່​ການ​ເປັນ​ຕົວ​ແທນ​ຂອງ​ຄະນະ​ນຳ​ກິລາ​ແຫ່ງ ສປປ ລາວ ກະກຽມ​ເຂົ້າ​ຮ່ວມ​ງານ​ມະຫາ​ກຳ​ກິລາກາ​ຍະ​ກຳ​ໂອ​ແລມປິກ​ເກ​ມ ຄັ້ງ​ທີ 20 ປີ 1980 ທີ່​ມູສກູ ອະ​ດີດ​ສະຫະພາບ ​ໂຊ​ວຽດ ທີ່​ເປັນ​ເຈົ້າພາບ ​ແລະ ຄອລ ກໍ່​ໄດ້​ມີ​ລັດທຳ​ມະນູນ​ເປັນ​ຂອງ​ຕົວ​ເອງ ສອດ​ຄ່ອງ​ກັບລັດ​ທຳ​ມະນູນ​ໂອ​ແລມປິກ​ສາກົນ ຫຼື ​ໄອ​ໂອ​ຊີ, ​ເຊິ່ງ​ເປັນ​ບ່ອນ​ອີງ​ໃນ​ການ​ເຄື່ອນ​ໄຫວ​ຕາມ​ພາລະ​ບົດ​ບາດ​ຂອງ​ຕົນ.

ທ່ານ ສົມ​ພູ ພົງສາ ກ່າວ​ຕື່ມ​ອີ​ກວ່າ: ​ມາ​ຮອດ​ປັດຈຸບັນ ຄອລ ​ເປັນ​ສະມາຊິກ​ຂອງ ​ໄອ​ໂອ​ຊີ ນອນ​ໃນ​ຈຳນວນ 205 ປະ​ເທດ​ຊາດ​ສະມາຊິກ. ພາຍຫຼັງ​​ໄດ້​ມີ​ການສ້າງ​ຕັ້ງ​ຂຶ້ນ ມາ​ຮອດ​ປັດຈຸບັນ​ຄົບຮອບ 38 ປີ ​ໄດ້​ມີ​ຄະນະ​ບໍລິຫານ​ງານ ຄອລ ​ເປັນ​ຊຸດ​ທີ 6 ​ແຕ່​ລະ​ຊຸດ​ແມ່ນ​ໄດ້​ສ້າງ​ຜົນງານ​ຢ່າງ​ຫຼວງ​ຫຼາຍ ​ໃນ​ການ​ນຳພາການ​ເຮັດ​ວຽກ​ເປັນ​ຕົວ​​ແທນ​ກິລາ​ລາວ​ເຄື່ອນ​ໄຫວ​ເຂົ້າ​ຮ່ວມ​ງານ​ມະຫາ​ກຳ​ກິລາ​​ໂອ​ແລມປິກ​ສາກົນ, ​ເອ​ຊຽນ ​ເກ​ມ ​ແລະ ຊີ​ເກ​ມ ພິ​ເສດ​ຍັງ​ໄດ້​ເປັນ​ເຈົ້າພາບ ຈັດ​ງານ​ມະ​ຫາ​ກຳ​ກິລາ​ຊີ​ເກ​ມ ຄັ້ງ​ທີ 25 ປີ 2009 ທີ່ ສປປ ລາວ ​ເປັນ​ເຈົ້າພາບ. ດັ່ງ​ນັ້ນ, ​ເພື່ອ​ຫວນ​ຄືນ​ຜົນສຳ​ເລັດ​ຂອງ​ການ​ເຄື່ອນ​ໄຫວ​ກິລາ​ໂອ​ແລມປິກລາວ ຄົບຮອບ 38 ປີ ​ໃຫ້​ມີ​ຄວາມ​ໝາຍ​ຢ່າງ​ເລິກ​ເຊິ່ງ ຈຶ່ງ​ໄດ້​ຈັດ​ກິດຈະກຳ​ດັ່ງກ່າວ​ນີ້​ຂຶ້ນ, ​ເຊິ່ງປະກອບ​ມີ ຂີ່​ລົດຖີບ 40 ນາທີ, ​ເຕັ້ນ​ແອ​ໂຣບິ​ກ ​ແລະ ຊົມ​ການສະ​ແດງ​​ເຕັ້ນໂຊ ​ເຊຍຣີ​ເດີ.  ​

ຄອລລ

                    ​ໂດຍ ອ້ວນດຳ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png