ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ປະດັບຫລຽນມຊ     ກະຊວງສຶກສາທິການ ແລະ ກິລາ ຕາງໜ້າໃຫ້ລັດຖະບານ ປະດັບຫຼຽນໄຊແຮງງານ ຊັ້ນ 2,  ຊັ້ນ 3, ຫຼຽນກາແຮງງານ ແລະ ໃຍຍ້ອງຍໍ ໃຫ້ກັບພະນັກງານ, ຄູ-ອາຈານ, ຄູເຝິກ ແລະ ນັກກິລາຂອງມະຫາວິທະຍາໄລແຫ່ງຊາດ ທີ່ມີຜົນງານປະກອບສ່ວນເຂົ້າຮັບໃຊ້ 3 ງານໃຫຍ່ ຄື: ຮັບໃຊ້ວັນສ້າງຕັ້ງ ມຊ ຄົບຮອບ 20 ປີ, ງານມະຫາກຳກິລາມະຫາວິທະຍາໄລອາຊຽນ ຄັ້ງທີ 18 ທີ່ປະເທດສິງກະໂປ ແລະ ໃບຍ້ອງຍໍການປະກອບສ່ວນວຽກງານປ້ອງກັນຄວາມສະຫງົບ ໄລຍະ 3 ປີ ຜ່ານມາ.

ພິທີປະດັບຫຼຽນໄຊແຮງງານດັ່ງກ່າວ, ໄດ້ຈັດຂຶ້ນໃນວັນທີ 21 ທັນວາ ຜ່ານມາ ທີ່ສະໂມສອນ ມະຫາວິທະຍາໄລແຫ່ງຊາດ, ໂດຍໃຫ້ກຽດເຂົ້າຮ່ວມ ແລະ ຕາງໜ້າລັດຖະບານປະດັບຫຼຽນຂອງ ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ, ມີ ທ່ານ ບົວລານ ສິລິປັນຍາ ຮອງລັດຖະມົນຕີ ກະຊວງສຶກສາທິການ ແລະ ກິລາ ແລະ ທ່ານ ສຈ.ປອ ສົມສີ ຍໍພັນໄຊ ວ່າການອະທິການບໍດີມະຫາວິທະຍາໄລແຫ່ງຊາດ, ມີບັນດາຄະນະອະທິການບໍດີ, ຄະນະບໍດີ-ຮອງຄະນະບໍດີ, ພະນັກງານ, ຄູ-ອາຈານ, ຄູເຝິກ ແລະ ນັກກິລາເຂົ້າຮ່ວມ.

ໂອກາດດັ່ງກ່າວ, ທ່ານ ຮສ. ວັນທອງ ຍອຍສາຍຄໍາ ຫົວໜ້າຫ້ອງການຈັດຕັ້ງ ແລະ ຄຸ້ມຄອງພະນັກງານ ມະຫາວິທະຍາໄລແຫ່ງຊາດ ໄດ້ຜ່ານຂໍ້ຕົກລົງບັນດາຂໍ້ຕົກລົງຍ້ອງຍໍປະເພດຕ່າງໆຂອງທ່ານປະທານປະເທດ, ຂອງທ່ານນາຍົກລັດຖະມົນຕີ ແລະ ຂອງທ່ານລັດຖະມົນຕີ ກະຊວງສຶກສາທິການ ແລະ ກິລາ ວ່າດ້ວຍການປະດັບຫຼຽນໄຊແຮງງານ ຊັ້ນ 2 ຈໍານວນ 8 ກົມກອງ ແລະ ບຸກຄົນດີເດັ່ນ ຈໍານວນ 236 ທ່ານ, ຫຼຽນໄຊແຮງງານ ຊັ້ນ 3 ຈໍານວນ 17 ກົມກອງ ແລະ ບຸກຄົນດີເດັ່ນ ຈໍານວນ 254 ທ່ານ, ຫຼຽນກາແຮງງານ ຈໍານວນ 3 ກົມກອງ ແລະ ບຸກຄົນດີເດັ່ນ ຈໍານວນ 258 ທ່ານ, ມອບໃບຍ້ອງຍໍລັດຖະບານ ຈໍານວນ 178 ທ່ານ ແລະ ໃບຍ້ອງຍໍລັດຖະມົນຕີກະຊວງສຶກສາທິການ ແລະ ກິລາ ຈໍານວນ 2 ກົມກອງ ແລະ ບຸກຄົນດີເດ່ັນ ຈໍານວນ 138 ທ່ານ ທີ່ມີຜົນງານປະກອບສ່ວນເຂົ້າໃນງານສະຫຼອງວັນສ້າງຕັ້ງ ມຊ ຄົບຮອບ 20 ປີ ທັງເປັນການຢັ້ງຢືນ ແລະ ຈົດບັນທຶກໄວ້ໃນປຶ້ມປະຫວັດສາດ 20 ປີ ຂອງ ມຊ ເພື່ອເປັນມູນເຊື້ອ, ເປັນແວ່ນແຍງ ແລະ ແບບຢ່າງທີ່ດີໃຫ້ແກ່ຄົນຮຸ່ນຕໍ່ໄປ.

ນອກຈາກນີ້, ໃນພິທີຍັງໄດ້ປະດັບຫຼຽນໄຊແຮງານ ຊັ້ນ 3 ຈໍານວນ 11 ທ່ານ ແລະ ຫຼຽນກາແຮງງານ ຈໍານວນ 9 ທ່ານ ໃຫ້ຄູເຝິກ ແລະ ນັກກິລາ ທີ່ນໍາພານັກກິລາ ແລະ ປະກອບສ່ວນເຂົ້າໃນງານມະຫາກຳກິລາມະຫາວິທະຍາໄລອາຊຽນ ຄັ້ງທີ 18 ທີ່ປະເທດສິງກະໂປ ລະຫວ່າງວັນທີ 8-22 ກໍລະກົດ 2016, ເຊິ່ງສາມາດຍາດມາໄດ້ທັງໝົດ 3 ຫຼຽນຄໍາ, 9 ຫຼຽນເງິນ ແລະ 9 ຫຼຽນທອງ ລວມ 21 ຫຼຽນ ຈັດຢູ່ອັນດັັບທີ 8 ຂອງຕາຕະລາງ ຈາກ 11 ປະເທດສະມາຊິກອາຊຽນເຂົ້າຮ່ວມ. ພ້ອມ ນັ້ນ, ໃນພິທີຍັງໄດ້ມອບຫຼຽນກາແຮງງານ ຈໍານວນ 17 ທ່ານ ແລະ ໃບຍ້ອງຍໍ ຈໍານວນ 5 ທ່ານ ທີ່ປະກອບສ່ວນເຂົ້າວຽກງານປ້ອງກັນຄວາມສະຫງົບ ໃນໄລຍະ 3 ປີຜ່ານມາ.

 

ປະດັບຫລຽນມຊ1

(ສາວສະຫວັນ)

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png