ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ຍີ່ປຸ່ນອົງການໄຈກ້າ ປະເທດຍີ່ປຸ່ນ ສົມທົບກັບ ອົງການອາສາສະໝັກນາໆຊາດຍີ່ປຸ່ນ ໄອວີ-ເຈແປນ (IV-JAPAN) ໃຫ້ທຶນຊ່ວຍເຫຼືອອີກ 2 ຕື້ກວ່າກີບ ຫຼື 250.577 ໂດລາສະຫະລັດ ໃນການພັດທະນາທັກສະສີມືຂອງຄູເຝິກຊ່າງໄມ້ ທີ່ໂຮງຮຽນອາຊີວະສຶກສາຂອງ ສປປ ລາວ.

 ເມື່ອວັນທີ 15 ທັນວາ ຜ່ານມາ ທີ່ສະຖາບັນພັດທະນາອາຊີວະສຶກສາ ກະຊວງສຶກສາທິການ ແລະ ກິລາ ໄດ້ມີພິທີເຊັນບົດບັນທຶກຄວາມເຂົ້າໃຈ ກ່ຽວກັບການຮ່ວມມື ການພັດທະນາທັກສະສີມືຂອງຄູເຝິກຊ່າງໄມ້ ໃນໂຮງຮຽນອາຊີວະສຶກສາຂອງ ສປປ ລາວ, ໃຫ້ກຽດລົງນາມຂອງ ທ່ານ ປອ. ພູວຽງ ພູມີໄລ ຜູ້ອໍານວຍການສະຖາບັນພັດທະນາອາຊີວະສຶກສາ ແລະ ທ່ານ ນາງ ຊາຈິໂກະ ໂຕມີນາກະ ຕາງໜ້າອົງການສາກົນ ໄອວີ-ເຈແປນ, ມີທ່ານ ສົມລິດ ວິຣິວົງ ຮອງຫົວໜ້າກົມອາຊີວະສຶກສາ ກະຊວງສຶກສາທິການ ແລະ ກິລາ ແລະ ທ່ານ ໂຢຊິ ຮາລຸ ຕາງໜ້າອົງການໄຈກ້າປະຈໍາລາວ ພ້ອມດ້ວຍແຂກທີ່ຖືກເຊີນ, ບັນດາຫົວໜ້າ-ຮອງຫົວໜ້າພະແນກ ແລະ ຜູ້ຮັບຜິດຊອບວຽກງານກ່ຽວຂ້ອງເຂົ້າຮ່ວມເປັນສັກຂີພິຍານ.

          ການເຊັນບົດບັນທຶກຄວາມເຂົ້າໃຈໃນຄັ້ງນີ້, ແມ່ນເພື່ອພັດທະນາທັກສະສີມືຂອງຄູເຝິກຊ່າງໄມ້ທົ່ວປະເທດ ໂດຍເຝິກໃຫ້ເປັນຕົວແບບ ແລະ ເປັນຄູສອນໃນໂຮງຮຽນ ຫຼື ວິທະຍາໄລ ອາຊີວະສຶກສາທົ່ວປະເທດ ເປັນເວລາ 4 ປີ ຕັ້ງແຕ່ເດືອນທັນວາ 2017 ຫາ ເດືອນທັນວາ 2021, ເຊິ່ງກິດຈະກໍາຫຼັກຂອງໂຄງການແມ່ນ ຄັດເລືອກໂຮງຮຽນທົດລອງ ແລະ ຄູ່ຮ່ວມການເຝິກອົບຮົມຄູຫຼັກແຫຼ່ງ, ຈັດຕັ້ງປະຕິບັດການເຝິກອົບຮົມຄູຫຼັກແຫຼ່ງ ແລະ ສອບເສັງທ້າຍການເຝິກອົບຮົມ, ໄລຍະເວລາການປະຕິບັດການເຝິກອົບຮົມຄູຫຼັກແຫຼ່ງ, ຜູ້ເຂົ້າຮ່ວມການເຝິກອົບຮົມປະຕິບັດບົດສອນທົດລອງ ແລະ ຜູ້ຊ່ຽວຊານການທົດສອບໃນວິຊາຊີບຊ່າງໄມ້, ຄູຫຼັກແຫຼ່ງຂອງສະຖາບັນພັດທະນາອາຊີວະສຶກສາ ວາງແຜນ ແລະ ລົງມືປະຕິບັດການເຝິກອົບຮົມໄລຍະສັ້ນ ໃນຫົວຂໍ້ສະເພາະໄດ້, ບັນດາຄູຫຼັກແຫຼ່ງປະຕິບັດການສອນຢູ່ໂຮງຮຽນຂອງຕົນເອງຕາມທັກສະ ແລະ ວິທີການສອນທີ່ໄດ້ຮຽນມາແລ້ວ. ຫຼັງຈາກນັ້ນ, ຄູຊ່າງໄມ້ຂອງ IV-JAPAN ແລະ ຄູຫຼັກແຫຼ່ງຂອງ ສະຖາບັນພັດທະນາອາຊີວະສຶກສາ ຈະເປັນຜູ້ຕິດຕາມຄູເຝິກຫຼັກແຫຼ່ງຂອງໂຮງຮຽນທົດລອງ, ສ້າງເຄືອຂ່າຍ ລະຫວ່າງ ສະຖາບັນພັດທະນາອາຊີວະສຶກສາ, ບັນດາໂຮງຮຽນຊ່າງໄມ້ ແລະ ບໍລິສັດຊ່າງໄມ້ ເພື່ອປະຕິບັດທັດສະນະສຶກສາ ແລະ ການເຝິກງານ ແລະ ຈັດຕັ້ງປະຕິບັດການຮຽນ-ການສອນ ເພື່ອສົ່ງເສີມການມີວຽກເຮັດງານທໍາຂອງນັກຮຽນ.

          ສໍາລັບການພັດທະນາທັກສະສີມືຂອງຄູເຝິກຊ່າງໄມ້ ໃນໂຮງຮຽນອາຊີວະສຶກສາຂອງ ສປປ ລາວ, ແມ່ນໃຊ້ງົບປະມານ ຂອງໂຄງການ 2 ຕື້ກວ່າກີບ (250.577 ໂດລາສະຫະລັດ) ຈາກອົງການໄຈກ້າ ແລະ ອົງການອາສາສະໝັກນາໆຊາດຍີ່ປຸ່ນ IV-JAPAN, ໂດຍນໍາໃຊ້ບຸຄະລາກອນເຂົ້າຮັບໃຊ້ ຈໍານວນ 11 ຄົນ. ໃນນັ້ນ, ມີຕ່າງປະເທດທີ່ເປັນພະນັກງານປະຈໍາ 4 ຄົນ, ພະນັກງານໄລຍະສັ້ນ 4 ຄົນ ແລະ ພະນັກງານຄົນລາວ 3 ຄົນ.

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png